Visitas Máxicas á Cidade da Cultura

Unha forma diferente de ver e coñecer o gran referente cultural do panorama galego actual situado no Monte Gaiás, en Santiago de Compostela.

Un formato innovador e orixinal, froito do traballo de 4 magos: Mago Vituco, Cayetano Lledó, Martín Camiña e o Mago Romarís , combinado coa colaboración e o apoio da Fundación Cidade da Cultura. O resultado foi unha actividade educativa e divertida que contou cunha gran aceptación por parte do público e que bateu records de asistencia durante meses, esgotándose as reservas semanas antes de cada día de actuación.

Mediante un excéntrico guía-presentador chamado Francoise Lafayette, alter ego de Cayetano Lledó, o público seguirá un percorrido no que irá coñecendo os diferentes ambientes da Cidade da Cultura. Polo camiño iranse atopando inesperadamente con magos que aproveitan as enerxías do Monte Gaiás para realizar prodixios fascinantes que farán da visita algo inesquecible.

Fotos

Prensa e Medios